Edhe pak ditë kanë mbet deri në fillimin e turnirit më të madh në Kosovë, “Rasim Kiçina”.
Ky është edicioni i 15-të radhazi i Turniri Tradicional Memorial “Rasim Kiçina” që mbahet në futboll të vogël, me rastin e 17 vjetorit të rënies heroike të heroit të Kosovës, Rasim Kiçina. Turniri mbahet nën patronatin e kryetarit të komunës së Drenasit, Nexhat Demaku.
Si në vitet paraprake, edhe në këtë vit prite të ketë një numër jashtëzakonisht të madh të pjesëmarrësve nga e gjithë Kosova.
Paraqitja e ekipit është 15 euro dhe bëhet në sektorin e Sportit të Kuvendit Komunal në Drenas deri më 30.05.2016, tërheqja e shortit bëhet po atë ditë në ora 13:00.
Hapja solemne e turnirit do të bëhet më 30.05.2016 në ora 14:00, ku edhe do të filloj gjiroja e parë, ndërsa turniri përmbyllet me 14.06.2016 në ditën e Çlirimit të Drenasit.
Turniri mbahet në palestrën e qytetit në Drenas. /Drenica Press/
