Zëdhënësi i komunës së Drenasit, Bekim Dobra bëri të ditur për portalin Drenica Press se të martën, kryetari i Komunës së Drenasit, z. Ramiz Lladrovci, ka pezulluar 4 zyrtar komunal-shërbyes civil, kundër të cilëve është ngritur aktakuzë, transmeton Drenica Press.
Këtë veprim, kryetari Lladrovci e ka bërë duke u bazuar në Ligjin për Shërbimin Civil të Republikës së Kosovës, nenit 69, pika I.1, I.2 I.3 dhe pika II, me 50 për qind të pages dhe rekomandimeve të Agjencionit Kundër Korrupsionit, deri sa të përfundon aktakuza ndaj zyrtarëve. Po ashtu, këto veprime kërkohen (sipas Ligjit) edhe për të qenë pjesmarrës në garën për mjedis të paster dhe projekte të tjera që janë në interes të përgjithshëm për Komunën e Drenasit.
