Shoqata bamirëse “Jetimët e Ballkanit” kanë ndarë 30 pako ushqimore e higjienike për familjet ne nevojë në Komunën e Drenasit. Me këtë rast, drejtori i Shëndetësisë dhe Mirëqenies Sociale, Ilir Shala ka falënderuar ne emër të kryetarit, shoqatën për ndihmën e vazhdueshme të saj që i bënë në Komunën e Drenasit.
Drejtori Shala me këtë rast ka ndarë edhe një mirënjohje në shenjë falënderimi për shoqatën “Jetimët e Ballkanit”.
Përfaqësuesi i shoqatës, Halil Kastrati, ka falënderuar Komunën e Drenasit e cila çdo herë ka qenë bashkëpunuese dhe e gatshme për t’i ndihmuar familjet skamnore. Ai ka premtuar përkrahje edhe ne të ardhmen që t’i ndihmojë familjet të cilat kanë nevojë. /Drenica Press/
