Një grup i mësimdhënësve të Komunës së Drenasit, pushimin pranveror janë duke e kaluar në trajnime për kurrikulën e re, e cila pritet të fillojë së impelementuari nga shtatori i këtij vitit me klasën e parë dhe të gjashtë.
Me një vizitë të papritur, sot duket se i ka befasuar drejtori i Arsimit në Drenas, Daut Thaçi, i cili nga afër ka përcjell trajnimet që po zhvillohen në shkollën “Halil Bajraktari” në Drenas.
Kjo është vizita e dytë e Thaçit në këtë trajnim, pasi që edhe në ditën e parë të trajnimit, ai i vizitoj trajnerët dhe mësimdhënësit, njofton drenicapress.info
Trajnimi për kurukul të re ka filluar të martën dhe pritet të përfundoj nesër (të shtunën), ku pritet të certifikohen mësimdhënësit që do të punojnë me klasat e para dhe të gjashta, ndërsa grupi i dytë pritet të nis këtë trajnim në ditët në vijim. /Drenica Press/
