Dragusha me bagazhin e tij, një garancë për suksesin e FC Suharekës

FC Suhareka e zyrtarizoi dje trajnerin e ri, Muhamet Dragusha.

Ish-futbollisti i njohur kosovar do ta nisë një eksperiencë të re me synim që të sjellë sukses në Suharekë.

“Një futbollist me përvojë, i cili ka lënë gjurmë në futbollin kosovar, Muhamet Dragusha – Muja emërohet shef i shtabit teknik të FC Suharekës! Me përvojën, karakterin dhe profesionalizmin e tij, Muja vjen për të udhëhequr familjen verdhëzi drejt objektivave të klubit. Mirë se vjen, Muja! Për ty, Suharekë!”, shkroi klubi i Ligës së Parë të Kosovës.

E sigurisht se ky klub nuk ka gabuar me përzgjedhjen që e bëri pasi “Muja” e ka me vete një përvojë të jashtëzakonshme si futbollist i shumë klubeve kosovare, por edhe i vetë Kombëtares një kohë.