Distria Krasniqi është kualifikuar në finale të Evropianit të xhudos.
Xhudistja kosovare po tregohet e pandalshme në këtë kompeticion prestigjioz, shkruan “Gazeta Express”
Në gjysmëfinale, garuesja pejane e mposhti italianen Odette Giuffrida me “Yuko” në “Golden Score”.
Paraprakisht, kampionia olimpike e kaloi rrethin e parë pa luftë, kurse në atë të dytë e mposhti çeken Tereza Bodnarova.
E në çerekfinale, “Disi” e mundi polaken Aleksandra Kaleta, shkruan “Gazeta Express”.
Me këtë rast, Krasniqi e siguroi medaljen e argjendtë, por në finale do ta kërkojë të artën.
Në finale, ajo do të përballet me francezen Amandine Buchard. /Gazeta Express
- Advertisement -
