Ish-Presidenti i Gambias, Yahya Jammeh, u largua nga vendi pasi humbi zgjedhjet. Ai ka qëndruar në pushtet për 22 vjet radhazi, ndërsa mori një avion me makina e sende luksoze për t’u larguar në mërgim në Guinenë Ekuatoriale. Me vote mori edhe para nga arka e shtetit të varfër, plot 11 milionë dollarë.
Ai u mund nga Adama Barrow, një biznesmen i fuqishëm. Ky i fundit thotë se dëshiron të krijojë një komitet të vërtetë pajtimi për të hetuar akuzat për abuzime me të drejtat e njeriut gjatë sundimit të Jammeh.
Sunduesi u largua edhe me të qarat e shumë njerëz, të cilët kanë përfituar nga pushteti i tij, por shumë të tjerë janë të kënaqur për fundin e një diktature ku nuk respektoheshin të drejtat e njeriut dhe ato të shprehjes, transmeton oranews.
Megjithatë, Jammeh meriton të vlerësohet mbase për një vendim të vetëm; largimin në mënyrë paqësore nga pushteti, gjë që ndodh për herë të parë në Gambia që prej pavarësisë së saj nga Britania në vitin 1965.
Megjithatë, ai thuhet se u kërcënua nga shumë vende të Afrikës Perëndimore përfshirë edhe Senegalin se do të dërgonin ushtrinë nëse nuk linte zyrën.
Në një fjalim në televizionin shtetëror, Jammeh, i cili pat deklaruar se do të sundonte Gambian për 1 miliard vjet, tha se do të largohet dhe se ishte e “domosdoshme të mos derdhej asnjë pikë gjaku”.
“Kam vendosur me ndërgjegje të pastër të heqë dorë nga udhëheqja e këtij kombi të madh me mirënjohje pafund për të gjithë popullin e Gambias”, tha ai.
Megjithatë, ai se ka pranuar rezultatin e zgjedhjeve dhe ka deklaruar se do të shpallte një qeveri të jashtëzakonshme 90 ditore.
Presidenti kërcënonte me prerje koke homoseksualët, duke i konsideruar si “parazitë” dhe se do të trajtoheshin si mushkonjat.
Në shtator pohoi se kuronte me banane sëmundjen e AIDS, shpesh vdekjeprurëse në Afrikë. Ai tha se shërimin e kryente të hënave dhe të enjteve.
Jammeh erdhi në pushtet në vitin 1994, pas një grushti ushtarak.
