Deti deri në 8 Ballë, paralajmërimi për ditën e hënë

Drejtoria e Përgjithshme Detare bën me dije se bregdeti shqiptar ditën e hënë do të përfshihet nga erëra me shpejtësi deri në 20m/s nga drejtimi Jug-Jug Perëndim.

Njoftohet se forca e detit gjatë 28 janarit do të jetë 7-8 shkalla Boufort.

Në këtë kuadër, DPD apelon të gjithë lundërtarët dhe pronarët e mjeteve detare, operatorët në portet e vendit dhe hapësirat detare që të marrin masat për sigurimin e mjeteve të tyre si dhe të rrisin shkallën e gatishmërisë së ekuipazhit në mjete./Express