Xhandarmëria serbe mbrëmë ka arrestuar dy persona në fshatin Llaushë të Podujevës, konkretisht në brezin kufitar në mes Kosovës dhe Serbisë.
Ky informacion është konfirmuar për lajmi.net, nga zëdhënës i Policisë së Kosovës, Baki Kelani.
“Me datë 31.01.2018, rreth orës 18.45 në fshatin Llaushë të Podujevës, në brezin kufitar në mes të Republikës së Kosovës dhe Serbisë, ka ndodhë arrestimi i dy personave. Informacioni i pranuar nga Policia e Kosoves ka të bëjë fillimisht me arrestimin e një personi, e më pastaj edhe arrestimin e personit të dytë (m/sh/k) nga autoritet policore serbe”, tha ai.
Kelani me pas tha se autoritet policore serbe personave të arrestuar u janë konfiskuar edhe traktorët e tyre.
“Sipas informacioneve të deritanishme personave të arrestuar iu janë konfiskuar edhe mjetet/traktorët e tyre. Policia e Kosovës është duke e trajtuar këtë informacion/rast përmes kanaleve zyrtare”, thuhet në përgjigjen e tijKelani: Xhandarmëria serbe arrestoi dy shqiptarë në Llaushë të Podujevës, ua konfiskoi edhe traktorët.
