Kosova dhe Irani kanë dështuar të arrijnë marrëveshje për të zhvilluar një miqësore.
Kryetari i FFK-së, Fadil Vokrri ka bërë të ditur se nuk është arritur akordi për këtë miqësore dhe se përfaqësuesja e Kosovës deri të shtunën do të qëndrojë në Zvicër pastaj lojtarët do të jenë të lirë, duke mos dhënë detaje tjera.
Ndërsa nënkryetari i FFK-së, Agim Ademi, tha për Gazetën Express se gjithçka u anulua sepse ishte folur se ndeshja duhet të luhet pa shikues.
“Është fol se nuk do të jetë stadiumi i hapur për shikues dhe për këtë nuk është arritur marrëveshja”, tha Ademi për Express.
Përfaqësuesja e Kosovës të martën zhvilloi miqësore me Shqipërinë të cilën e mposhti me rezultat 3:0.
- Advertisement -
