Oleksandr Merezhko, deputet ukrainas dhe kryetar i komitetit parlamentar për punët e jashtme, thotë se nuk ka “pritshmëri të mëdha” para takimit të sotëm mes Trumpit dhe Putinit.
Merezhko thotë se samiti në Alaskë është “më parë një fitore diplomatike” për presidentin rus, Vladimir Putin.
Sipas tij, Trump e ka nxjerrë Putin “në qendër të vëmendjes”.
“Nuk pres rezultate konkrete për arsye të thjeshtë që Putini nuk dëshiron të ndalojë luftën. Qëllimi i tij është të shkatërrojë Ukrainën, dhe Trump nuk duket i prirur të vendosë sanksione ndaj Rusisë dhe atyre që e mbështesin atë,” deklaroi deputeti ukrainas.
