Nexhat Demaku, i cili sot ka dhënë dorëheqje nga cilësia e Kryetarit të Komunës së Drenasit, ka thënë se vendimi i Gjykatës së Apelit, është vetëm një tendencë, për ta njollosur atë dhe familjen e tij.
Këto deklarime Nexhat Demaku i dha në një intervistë ekskluzive për emisionin Info Magazine, të Klan Kosova, duke shtuar se vendimi nga Gjykata e Apelit për procesin e grupit Drenica II, ka rëndësinë e tij derisa atij nuk i është bërë për shkak të menaxhimit të tij të punës si kryetar.
”Dje kemi marr vendimin e Gjykatës së Apelit, që fatkeqësisht ka aprovuar dënimin e shkallës së parë.”
”Një vendim i tillë më ka shtyer që unë sot të jap dorëheqje nga cilësia e Kryetarit të Komunës.”
”Ndoshta do të ishte më mirë ta quaj dështim të radhës këtë vendim”
”Nëse ndalem dhe i referohem gjithë procesit të deri sotëm, i gjithë procesi fillon dhe përfundon me një dëshmitar jo kredibil dhe mashtrues.”
”Grupi Drenica II ka rënë në media dhe opinion shumë, por nga përvoja që kam nuk ka fakte nuk ka dëshmi krejt këto bazuar në Gjykatë.”
”Po të mos isha kryetar i komunës, unë nuk do të isha në këtë proces.”
”E vetmja e vërtetë këtu ka qenë fakti që unë kam qenë ushtar i UÇK-së.”
”Uroj që dikush që është competent t’i japin një rëndësi të vërtetë dh eta shqyrtojë këtë proces.”
”Realisht kjo është ajo tendenca me të kriminalizu si një familje e pastaj edhe si UÇK.”
”Tendenca është me kriju një opinion, në të gjitha kafiteritë ku do që shkon flitet për krimet që ka bo UCK-ja, jo për krimet që kanë bë Serbia.”
”Familja në Poklek, masakra që është bë është mirë me ditë opinion i brendshëm dhe i jashtëm që në mesin e tyre kanë qenë edhe fëmijë.”
”Në këtë mënyrë krimet e Serbisë, me dashje apo pa dashje, po harrohen.”
”Unë kam besu që ky process do të dal me një vendim të drejt jo një i tillë që më konvenon mu pori drejt.”
”E rëndësishme është që unë nuk jam dënuar për punën time si Kryetar i Komunës”.
”Raste të tilla nuk ndodhin shpesh. Me tu dënuar familja rast i tillë ka ndodhë në kohën e nazismit.”
”Unë nuk e di ndonjë rast që ka ndodhë në ish-Jugosllavi, që dënohet familja për krime lufte.”
”Familja ime nuk është shumë e madhe, por këta qe jëmi ndihen shumë keq. Pas nesh janë vetëm fëmijë e ne duhet t’u sqarojmë atyre diçka.”
”Ne nuk duhet të lejojmë në radhë të parë ata të mendojnë që ne si UÇK kemi kryer krime lufte. Sepse kjo është bërë me tendencën me e kriminalizu Ushtrinë Çlirimtare të Kosovës.”
”Ajo cfarë është më e shqetësuese për të ardhmen është ambienti që ka krijuar Eulexi në Kosovë.”
”Ata cilin të dojnë sot munden me cu në burg.”
”Unë mund ta them vetëm një deklaratë të thjeshte dhe automatikisht ajo është dëshmi e mjaftueshme dhe atyre iu kryen punë.”
”Në cilin vend ndodh në botë me dorëzu shtyllën kryesore të vendit.”
/Klan Kosova/
