Fadil Demaku gjatë ditës së sotme edhe zyrtarisht ka dhënë dorëheqje nga pozita e deputetit të Kuvendit të Kosovës. Këtë e ka kofirmuar përmes rrjetit social facebook, duke falenderuar të gjithë ata që ja besuan votën dhe e përkrahën në këto dy mandate si deputet i Kuvendit të Kosovës.
Demaku këtë vendim e ka quajtur skandaloz, të montuar në forma të ndryshme edhe prej shumë qarqeve të caktuara, por që nuk kanë munur ta ndryshojnë votën e lirë të qytetarëve. Ndër të tjera ai ka theksuar se pavarësisht të gjithave, e vërteta dhe e drejta do të ngadhnjejë.
Më poshtë mund tëlexoni postimin e plotë të Fadil Demakut
Të nderuar miq dhe qyetarë pas vendimit të djeshëm të gjykatës së apelit me saktesisht misionit EULEX për të na denuar, gjoja për krime lufte në një proces krejtësisht të montuar, skandaloz pa asnjë fakt të vetëm , kunder gjitha normave juridike të drejtësisë dhe të motivuar ne forma të ndryshme edhe prej shumë qarqeve të caktuara të cilat nuk mund ta ndryshonin voten e lirë të qytetareve për ne.
Sot kam dhenë dorëheqja nga pozita e Deputetit ne Parlamentin e Kosovës .
Dua të falenderoj me krejt qenien time të gjithë ata që me votuan për dy mandate si deputet ne Parlamentin e Kosovës. Dua të falenderoj të gjithë ata që na perkrahin ne të drejtën tonë të padiskutueshme .
Lufta e UÇK-së është vlera jonë me e madhe kombetare duke rezultuar edhe me bërjen e shtetit tonë. Jam krenarë që isha pjesë e saj me gjithë familjen time. Te sakrifikosh per atdhe kur është i roberuar është detyrë e çdo qytetari të ndershëm edhe pse është mision tejet i veshtirë .
Askush nuk do arrijë të kontestojë vlerat dhe idealet e UÇK-së përmes inskenimeve të tilla dhe shfrytezimit të gjykatave misionare pa asnjë llogaridhënje e që abuzojnë me drejtësinë.
Besimi i qytetareve ndaj nesh është me i fortë se çdo inskenim i çfaredo lloji qofte.
Koha do të jetë deshmitar i pathyeshëm i veprimeve të çdonjërit prej nesh. Pavarësisht të gjithave e vërteta dhe e drejta do të ngadhnjejë. /Drenica Press/
