Deputetja e PDK-së, Blerta Deliu-Kodra ka dëshmuar sot në seancën gjyqësore kundër katër deputetëve të Lëvizjes Vetëvendosje, të akuzuar për gaz lotsjellës në Kuvendin e Kosovës.
Deliu-Kodra, në fjalën e saj si e dëmtuar dhe dëshmitare ka deklaruar se e ka parë deputetin Albin Kurti duke hedhur gaz lotsjellës, shkruan arbresh.info.
Ajo ka thënë se fillimisht është gjuajtur me ujë e pastaj edhe me vezë.
‘Hedhja e vezëve është bërë nga deputetja Albulena Haxhiu, ndërsa hedhja e ujit nuk e kam parë nga kush është bërë’, ka thënë Deliu-Kodra.
E dëmtuar dhe dëshmitare në këtë rast ka qenë edhe deputetja tjetër e PDK-së, Flora Brovina./arbresh.info/
- Advertisement -
