Deklarata e ish-kryeministrit, të Kosovës, Ramush Haradinaj, i cili tha se kryeministri serb i sapo zgjedhur president i Serbisë, Aleksandër Vuçiq nuk do të luaj më me shqiptarët ka nxitur reagime edhe në Rusi.
Përveç reagimeve të shumta të Serbisë lidhur me këtë deklaratë të Haradinajt, Ministria i Punëve të Jashtme të Rusisë, ka lëshuar një deklaratë në ueb faqen e tyre zyrtare ku e konsiderojnë të pa tolerueshme që ShBA-të dhe Bashkimi Evropian të lejojnë deklarata të tilla.
“Ne mbështesim reagimin e fortë të udhëheqjes serbe ndaj sulmit të ashpër nga ana e këtij militanti i cili ishte përfshirë në krime veçanërisht të tmerrshme kundër civilëve gjatë konfliktit të Kosovës të viteve 1990”, thuhet në njoftim, transmeton B92
Sipas kësaj ministrie krejt kjo ka qenë e pritur për shkak të vendimit të Gjykatës franceze e cila refuzoj kërkesë për ekstradim në Serbi.
“Për fat të keq, kjo kthesë e ngjarjeve duhet të pritej në dritën e vendimit të Gjykatës franceze që refuzoi kërkesën e justifikuar ligjërisht të palës serbe dhe liroi Ramush Haradinajn, i cili akuzohet për kryerjen e shumë rrëmbimeve, përdhunimeve dhe vrasjeve”, thuhet më tutje në njoftim.
Sipas Ministrisë së Punëve të Jashtme të Rusisë, kjo ngjarje tregon se Kosova është burim kryesor i jostabiliteti në rajon dhe mosmarrëveshjeve e cila me tensione ndëretnike për krijimin e “Shqipërisë së Madhe” çon në tensione dhe me potencial për konflikte në Ballkan.
