Departamenti amerikan i Shtetit njoftoi sot se ka nisur procesi për anulimin e mosdhënies të vizave për të huajt, pasi gjykatësi federal të premten pezulloi vendimin ekzekutiv të Presidentit Donald Trump për emigracionin.
Departamenti i Shtetit thekson se më shumë se 60 mijë të huaj nga shtatë vendet me shumicë myslimane që kishin viza “janë marrë përkohësisht” në përputhje me vendimin e Trumpit për mos lejim të udhëtimit në SHBA.
Departamenti i Shtetit thotë se kanë filluar të punojnë rreth kthimit të vizave, pasi që Departamenti i Drejtësisë është informuar për vendimin e gjykatësit federal. Më tej shtohet se personat që kanë qenë të përfshirë në vendimin e Trumpit dhe që kanë vizë mund të udhëtojnë në SHBA.
