Deputeti nga radhët e Vetëvendosjes, Dardan Molliqaj ka folur për lidhjet e afërta që kishte pasur me aktivistin e ndjerë , Astrit Deharin.
Molliqaj për herë të parë ka treguar se gjatë kohës sa ka qenë në arrati, si i kërkuar pas protestave, ishte ndihmuar shumë nga Astrit Dehari.
‘’Ka qenë lidhja e madhe me Astritin. Ai ishte personi i vetëm që ka ditur gjithçka rreth meje sa isha në arrati. Astriti më ka sjellur ushqimi, ka mbajtur kontakt, ka qenë ndërmjetës për të komunikuar me të tjerët. I vetmi që gjatë gjithë kohës e ka ditur se ku jam’’, ka thënë Molliqaj në ‘Personale’ të RTV Dukagjinit.
Tutje Molliqaj ka treguar se Astrit Dehari ka qenë njeri shumë i besueshëm i Vetëvendosjes.
‘Kemi pasur raste që kemi diskutuar me orë të tëra për cëshje politike, idelogjike e familjare. E kam njohur shumë mirë’, ka thënë Molliqaj.
Ai tregon se nuk ka pasur asnjë shenjë për ndonjë problem shëndetësor apo diçka të tillë, siç është përfolur nëpër media.
‘’Ka qenë i matur dhe i qetë si person.’’ e ka përshkruar Molliqaj Astrit Deharin./Periskopi/
