Aktorja Denise Richards ka siguruar një urdhër ndalimi ndaj bashkëshortit të saj, Aaron Phypers, mes procesit të divorcit dhe akuzave të rënda për dhunë fizike dhe psikologjike. Në dokumentet gjyqësore, Richards përshkruan incidente tronditëse, ku pretendon se Phypers e ka goditur, e ka zënë për fyti dhe e ka kërcënuar.
Sipas saj, një nga rastet më të rënda ndodhi në vitin 2022 në Malibu, kur ai e qëlloi në sy pas një shpërthimi paranojak. Në një tjetër incident, ai dyshohet se e kapi për flokësh dhe e rrëzoi në tokë pas një debati për një udhëtim pune.
Gjykata e ka urdhëruar Phypers të qëndrojë të paktën 91 metra larg Richards dhe pronës së saj. Ai i ka mohuar akuzat dhe i ka cilësuar si “të trilluara”, duke thënë se ka prova për të kundërtën.
Divorci erdhi pas gjashtë vitesh martesë. Phypers ka kërkuar mbështetje financiare dhe ka caktuar si datë ndarjeje 4 korrikun, duke përmendur “mosmarrëveshje të pakapërcyeshme”.
