Deputetja e PDK-së, Vlora Çitaku e cila e ka përfaqësuar këtë parti sot në mbledhjen e thirrur nga kryetari i Kuvendit, Dimal Basha ka kërkuar që seanca e nesërme e Kuvendit të shtyhet për në ora 17:00.
Kjo është pranuar nga partitë e tjera, për çka Çitaku i ka falënderuar.
“Falënderoj përfaqësuesit e të gjitha partive politike që sot në mbledhjen përgatitore për seancën konstituive të Kuvendit me konsensus të plotë vendosëm që seanca të mbahet në ora 17:00. Ky ishte një vendim i ndërgjegjshëm dhe njerëzor në respekt të një momenti historik sepse nesër në Hagë dëgjohet fjala përfundimtare e mbrojtjes”, ka shkruar Çitaku.
Ajo ka thënë se në çaste të tilla, Kosova di të jetë bashkë.
“UÇK na bashkon”, ka shkruar ajo.
