Shembull për profesorët e tjerë e kanë quajtur studentët të cilëve nuk u ka ardhur mirë për raportimet e fundit për të porsa emëruaren Prodekane për Financa në këtë universitet.
“Jo të kënaqur por tepër të kënaqur jemi krejt studentët. Krejt, krejt, krejt! Nuk ka student që nuk është i kënaqur me Lumën. Tepër është e mirë”, ka thënë njëra nga studentet.
Ndërkaq, një tjetër studente ka thënë se i vjen keq për raportimet e mediave për rastin e Zonjës së Parë që është emëruar Prodekane.
“Është shembull për profesorët e tjerë, saqë më vjen keq për lajmet që i kemi parë dje”, ka thënë një studente tjetër.
Dekani, Hakif Zeqiri, ka treguar se si kishte rrjedhur propozimi për emërimin e saj në këtë pozitë.
Zeqiri e ka arsyetuar vendimin me faktin se pozita e prodekanit të financave kishte mbetur tash e një kohë e zbrazët dhe prodekani për mësim kryente edhe këtë funksion.
Ai ka mohuar të ketë pasur ndikim pozita e burrit të saj, presidentit Hashim Thaçi.
