Koordoinatori i VV-së për Drenas, Sokol Bylykbashi, pati thënë se gjatë themelimit të Komitetit për Politikë dhe Financa komuna e Drenasit ka shkelur ligjin.
E pohimet e Bylykbashit i ka vërtetuar edhe MAPL, që ka konstatuar se Kuvendi Komunal i Drenasit ka bërë shkelje ligjore, raporton Drenicapress.
DrenicaPress e sjell të plotë reagimin e Sokol Bylykbashit:
MAPL konfirmon pohimet tona: Kuvendi Komunal i Drenasit ka bërë shkelje ligjore
Në mbledhjen e Kuvendit Komunal të datës 27.12.2017 janë themeluar komitetet e përhershme të KK. Në atë mbledhje e kemi paralajmëruar kryesuesin, Labinot Halilaj se po bën shkelje ligjore, duke i përjashtuar grupet politike ( Vizioni për Drenasin, VV dhe AAK) nga Komiteti për Politikë dhe Financa. Përveç kësaj, është bërë shkelje edhe në përfaqësimin gjinor në këtë komitet.
Me kërkesën e 11 këshilltarëve opozitarë, kryesuesi i KK ka thirrur mbledhje të jashtëzakonshme për datën 19.01.2018 ( e premte), ku do të diskutohet për këto dhe shkelje të tjera.
