Pak para finales së play-offit ndaj Italisë, te Bosnja është krijuar një situatë e pazakontë.
Në stërvitjen e fundit në Butmir, një ushtar i EUFOR-it është kapur duke incizuar nga afër seancën e boshnjakëve edhe pasi kishte përfunduar pjesa e hapur për publikun.
Dyshimet u shtuan kur u pa se po xhironte me telefon në mënyrë të vazhdueshme, me Federatën e Futbollit të Bosnjës dhe Hercegovinës që ka reaguar menjëherë duke bërë ankesë zyrtare ndaj këtij rasti.
Ndërkohë, nga Ministria e Mbrojtjes e Italisë kanë mohuar çdo prapavijë: “Nuk është spiunazh, por vetëm kureshtje.”
Kujtojmë se ndeshja Bosnje Hercegovinë-Itali, do të zhvillohet nesër në stadiumin “Bilino Polje” të Zenicës, me fillim në orën 20:45./IndeksOnline/
- Advertisement -
