Vlera e buxhetit që i është ndarë Ministrisë së Mjedisit dhe Planifikimit Hapësinor (MMPH) nuk do të mjaftojë që kjo ministri të paguajë as gjysmën e borxheve që ka për shpronësime në nivel të vendit.
Ministria e Financave, në Projektligjin për buxhetin e vitit 2017, ka ndarë për këtë ministri një buxhet në vlerë prej 45.923.663 eurosh, shkruan sot Koha Ditore.
Ndërkohë që borxhi total për të gjitha kategoritë e shpronësimeve në këtë ministri është 148 milionë euro.
Projektligji i buxhetit për vitin 2017 në nëntor është miratuar në parim nga Komisioni parlamentar për buxhet dhe financa, por ende nuk ka dalë në lexim të parë në Kuvend dhe nuk dihet nëse gjatë amendamentimit buxhetet për ministri të caktuara do të ndryshojnë.
- Advertisement -
