BMW, Intel, and Mobileye do të testojnë makinën me vetë-drejtim këtë vit
2017-a është gati që të pushtohet nga makinat me vetë-drejtim. Ditën e djeshme, BMW, Intel, dhe Mobileye njoftuan synimin e tyre për të vendosur 40 automjete autonome për testim në rrugët publike në gjysmën e dytë të vitit 2017. Kompanitë kanë thënë se BMW seria 7 e pajisur me Intel dhe teknologjinë Mobileye do të ecë në rrugë në SHBA dhe Evropë për testim.
Gjashtë muaj më parë, BMW njoftoi dëshirën për t’u bërë partner me Intel, i cili do të furnizonte energjinë e procesimit, dhe me Mobileye, furnizuesin izraelit i sistemeve shofer-ndihmës dhe sensorëve që furnizon një përqindje të madhe të industrisë së makinave. Në atë kohë, prodhuesi i makinave gjermane tha se shpresonte që të kishte automjete autonome në dispozicion për blerje në vitin 2021. Kështu në njoftimin e djeshëm u tha se këto mjete do të testohen këtë vit, raporton TechSot.Al.
Por, BMW dhe partnerët e tij nuk duan vetëm të ndërtojnë një makinë të serisë 7 me vetë-drejtim. Kompanitë thonë se duan të zhvillojnë “arkitekturë të shkallëzuar” që mund të miratohet nga prodhuesit dhe projektuesit e tjerë të makinave dhe që ky projekt të pasqyrohet edhe tek automjetet e markave të ndryshme.
