Gjatë ditës së sotme Zëvendëskryeministri i parë në detyrë Besnik Bislimi, në margjina të takimeve në Kopenhagë, ka zhvilluar takim me Ministrin Francez të Deleguar për Evropën, Benjamin Haddad.
Në këtë takim sipas njoftimit është biseduar për organizimin e Lojërave Mesdhetare Prishtina 20230.
‘’Tema e diskutimit ishte integrimi evropian i Kosovës, ku zëvendëskryeministri theksoi objektivat dhe synimet kryesore në këtë rrugëtim dhe hapat e mëtejshëm të nevojshëm për avancim. Pjesë e bisedës ishte edhe organizimi i Lojërave Mesdhetare Prishtina 2030 dhe përgatitjet që po zhvillohen për mbajtjen e kësaj ngjarjeje’’ thuhet në njoftim.
Po ashtu është bërë e ditur se në takim u bisedua lidhur me procesin e dialogut dhe zhvillimet në rajon./Indeksonline/
