Kritikat e zyrtarëve të PDK-së në drejtim të Qeverisë Isa Mustafa, nuk kanë të ndalur. I fundit është deputeti i kësaj partie, Bislim Zogaj, i cili ka thënë se Ekzekutivi nuk e ka kryer rolin të cilin e ka pasur. Ai vlerëson se në dy vitet e fundit, vendi ka qenë në një bllokadë totale.
Zogaj, në emisionin ‘Fakt Plus’ me Leotrim Berishën në Tribuna Channel, e ka bërë përgjegjëse edhe opozitën për ngecjet në dy vitet e fundit. Ai ka paralajmëruar se nëse Qeveria nuk ndryshon qasjen e veprimit, zgjedhjet e parakohshme janë të pashmangshme.
Në këtë intervistë ai ka komentuar edhe zgjatjen e paraburgimit për ish-deputetin Azem Syla. Zogaj thotë se ka qenë njëri nga njerëzit më të afërt të tij dhe se ish-komandanti të Shtabit të Përgjithshëm të UCK-së e ka merituar “t’i ngritet një lapidar për së gjalli”.
Si anëtar i Komisionit për Integrimeve Evropiane, Zogaj ka thënë se ende nuk janë humbur afatet qe liberalizimi i vizave të ndodhë në fundvit. Megjithatë, ka thënë se pa ratifikim të demarkacionit nuk mund të ecët përpara.
