Pavarësisht se ka rezervat më të mëdha të dëshmuara të naftës bruto në botë, Venezuela prodhoi më pak se një milion fuçi naftë në ditë në vitin 2024 — shumë më pak se Shtetet e Bashkuara, me rreth 13 milionë fuçi, ose Rusia, me 9 milionë fuçi në ditë.
Shtetet e Bashkuara të Amerikës së fundi sulmuan Venezuelën, duke arritur të kapin presidentin e vendit, Nicolas Maduro, bashkë me gruan e tij. Por kjo nuk është hera e parë që Amerika sulmon një shtet latin dhe largon nga froni udhëheqësin e atij shteti.
E pas arrestimit të tij, sot u bë e ditur se ka rënë çmimi i naftës.
Nafta e papërpunuar Brent, referenca ndërkombëtare, ka rënë me 0.67% në 60.34 dollarë për fuçi.
Reagimi fillestar ndaj veprimit ushtarak amerikan në Venezuelë në tregjet e aksioneve, të ardhurave fikse dhe mallrave ka të ngjarë të jetë i vogël, parashikon Stephen Dover, drejtor i Institutit Franklin Templeton.
Kujtojmë se, Venezuela ka rezervat më të mëdha të naftës bruto në botë (mbi 300 miliardë fuçi), por gjendja e dobët e infrastrukturës së saj të vjetruar të nxjerrjes dhe transportit të naftës, së bashku me cilësinë e ulët të naftës së saj të papërpunuar “të rëndë”, sugjerojnë se edhe ardhja e stabilitetit politik nuk do ta rrisë shpejt prodhimin ose eksportet e naftës së saj të papërpunuar (aktualisht rreth 1 milion fuçi në ditë ose afërsisht 1% e prodhimit botëror)./Lajmi.net/
