Ish drejtori i Urbanizmit në Drenas, Betim Berisha, emri i të cilit u përfol më së shumti për pozitën e nënkryetarit të Drenasit, përmes një letre ka treguar se nuk do të jetë nënkryetar i Drenasit, për arsye personale dhe familjare.
Më poshtë mund të lexoni letrën e plotë të Betim Berishës:
Sqarim për opinionin! Ndjejë për obligim të sqarojë opinionin se nuk do të jem ne pozitën e nënkryetarit të Komunës për arsye personale e familjare. Falënderoj kryetarin Ramiz Lladrovci për besimin dhe ofrimin e kësaj pozite, njëkohësisht shpreh falënderim edhe për bashkëpunimin e ofruar në pozitën e drejtorit të Urbanizimit dhe Planifikimit Hapësinor. Falënderoj të gjithë kolegët të cilët përgjatë këtyre viteve me kanë përkrahur dhe mbështetur dhe i uroj shumë suksese ne punët e tyre për të mirën e qytetarëve të Komunës. Kontributi dhe angazhimi im për qytetarët e Drenasit do të jetë në kuadër të strukturave të Partisë Demokatrike të Kosovës dega në Drenas. Sinqerisht: Betim Berisha.
