Këngëtari i njohur shqiptar Alban Skenderaj, ka njoftuar publikimin e albumit të tij më të ri, të cilin e cilëson si një nga projektet më autentike të karrierës.
Albumi përmban 8 këngë dhe 8 videoklipe, të konceptuara si një tërësi artistike me titull “Një Ylber”, ku çdo këngë sjell një “ngjyrë” dhe emocion të veçantë, shkruan Indeksonline.
Skënderaj shprehet se ky projekt është realizuar në një periudhë intensive të jetës së tij, por është frymëzuar fuqishëm nga energjia e publikut gjatë turneut “MOTIV”, duke e rikthyer tek vetvetja dhe ndjesitë më të pastra artistike.
Ai premton një eksperiencë emocionale për fansat: frymëzim, kujtime dhe një “ridashurim” me jetën.
Publikimi pritet të bëhet më 2 maj dhe fansat po e presin me padurim./Indeksonline/
