Shefi i Grupit Parlamentar të PDK-së, Bedri Hamza, në seancën e jashtëzakonshme ku po diskutohet për marrëdhëniet ndërmjet Kosovës dhe ShBA-së, ka thënë se PDK-ja e sheh shumë serioze situatën e krijuar në vend pas paralajmërimeve të zyrtarëve amerikanë për tërheqjen e trupave të tyre nga Kosova, raporton Front Online.
“Grupi i PDK-së i mbështetur nga grupet e tjera parlamentare i merr seriozisht paralajmërimet e Amerikës për tërheqjen e trupave amerikane dhe suspendimin e programeve të ndryshme nga SHBA. Ne konsiderojmë se Kosova fazën vijuese të dialogut, duhet ta zhvillojë me SHBA-në dhe BE-në, dhe asnjë qeveri nuk bën t’i prish raportet me aleatët tanë”, tha Hamza, raporton Front Online.
