Kryetari i Mitrovicës së jugut, Bedri Hamza, e ka shkarkuar Fahri Jasharin nga Drejtoria e Kulturës në këtë komunë.
Siç raportohet në media, Jashari u shkarkuar nga pozita e drejtorit të Kulturës pasi Zyra Ligjore e Komunës së Mitrovicës e ka paraqitur rastin e tij si dyshim për keqpërdorim të detyrës zyrtare para organeve të drejtësisë.
Shkarkimin e të njëjtit e kanë konfirmuar edhe nga Komuna e Mitrovicës.
“Kryetari Bedri Hamza e ka shkarkuar z. Fahri Jashari javën e kaluar nga pozita e Drejtorit të Kulturës”, ka konfirmuar Komuna e Mitrovicës, pa dhënë detaje të tjera.
