Ish-kryetari i Klinës, Sokol Bashota është kthyer nga Haga, ku është intervistuar nga prokurorët e Gjykatës Speciale.
Më tu kthyer në Prishtinë, zëvendëskomandanti i Shtabit të Përgjithshëm të UÇK-së, ka thënë se prokurorët i kanë ofruar marrëveshje, të cilën Bashota nuk e ka pranuar.
Sokol Bashota nuk ka treguar se çfarë përmban ajo marrëveshje që i është ofruar.
“Une isha në Hagë dhe më ftuan si i dyshuar, isha gjatë dy ditëve të plota në Hagë, u përgjigja në pyetjet e favorshme për mua, kam kundërshtuar në ato që mu kanë bërë me qëllim ta caktuar. Atje mua më është ofruar një marrëveshje, e cila do të më ndihmonte mua gjatë procesit në të ardhmen, por mund të jetë e dëmshme. Këto do t’i bëjmë publike në vijim”, tha Bashota në Aeroportin Adem Jashari në Prishtinë.
