Një autobus i linjës Prishtinë-Gjilan është djegur mëngjesin e sotëm, në fshatin Slivovë, raporton Gazeta Metro.
Policia njoftoi se nga ky rast nuk ka asnjë person të lënduar dhe zjarri është lokalizuar, por autobusi është djegur tërësisht.
Aktualisht policia po vazhdon me ndërmarrjen e të gjitha veprimeve të nevojshme hetimore me qëllim të ndriçimit dhe sqarimit të të gjitha rrethanave që kanë të bëjnë me rastin.
Ndërkohë mëposhtë keni pamjet e autobusit të siguruara nga Gazeta Metro, tani pasi është lokalizuar zjarri.
