Reali i Madridit është turpëruar në derbin ndaj Atleticos së Madridit, sfidë e vlefshme për International Champions Cup.
Los Blancos morën një goditje të rëndë pasi u mposhtën në Neë Jersey me rezultatin e thellë 7-3 nga Los Colchoneros. Edhe pse bëhej fjalë vetëm për një ndeshje miqësore, 7 gola në një ndeshje nga Atletico janë shumë për Realin e Madridit që aktualisht po kalon një periudhë të errët.
Diego Costa ishte heroi i sfidës pasi arriti të realizonte plot 4 herë për Atleticon por në minutën e 65-të sulmuesi brazilian me pasaportë spanjolle u kthye nga ëngjëll në djall pasi u ndëshkua me karton të kuq pas një zënke që pati me Dani Carvajal. Të njëjtin fat pati edhe mbrojtësi i Realit.
Për Los Colchoneros shënoi edhe blerja më e shtrenjtë e kësaj vere Joao Felix i cili spikati dhe me dy asiste ndërkohë që gjetën rrugën e rrjetës edhe Correa e Vitolo.
Lexo edheHaradinaj bën xhudo me Majlinda Kelmendin, stërvitet nga Driton Kuka
Pjesa e parë u mbyll me shifrat 5-0 për Atleticon ndërkohë që rezultati arriti deri në 6-0. Golat e nderit për Realin mbajnë firmat e Nacho por edhe Benzema me penallti e Sanchez me këtë dy të fundit që realizuan pas minutës së 84-t për ta bërë më pak të dhimbshme këtë humbje. Për Realin kjo ishte disfata e parë në International Champions Cup ndërkohë që Atletico e Simeones regjistroi fitoren e 2-të, pas asaj me penallti ndaj meksikanëve të Guadalajara Chivas./supersport.al
