Ashtu si në SHBA, e mërkura ditë zie edhe në Kosovë
BILLI
Dita e mërkurë me kërkesë të presidentit të Kosovës, Hashim Thaçi, është shpallur ditë zie. Kjo në nderim të ish-presidentit amerikan George H.W. Bush, shkruan Gazeta Express.
Këtë e kanë bërë të ditur përmes një komunikate për media nga zyra e presidentit.
“Presidenti i Republikës së Kosovës, Hashim Thaçi, pas vdekjes së ish-Presidentit të Shteteve të Bashkuara të Amerikës, George H. W. Bush, në shenjë respekti shtetëror dhe qytetar për kontributin e tij të dhënë për lirinë e Kosovës, ditën e mërkurë (5 dhjetor 2018), e ka shpallur ditë zie shtetërore në Republikën e Kosovës”.
Në ditën e zisë, flamuri shtetëror i Republikës së Kosovës do të ngrihet në gjysmështizë në të gjitha objektet shtetërore të Republikës së Kosovës, brenda dhe jashtë vendit.
Lexo edhePresidentja kroate, me fjalë të ëmbla për Modricin
