Analisti Blerim Vela, që po përcjell procesin e numërimit të votave, ka shkruar se sipas informatave të para që ai ka, koalicioni Nisma – AKR – PD ka kaluar pragun.
Po numërohen votat me kusht të zgjedhjeve të 6 tetorit, e analisti Vela thotë se, sipas rezultateve të deritanishme, koalicioni i udhëhequr nga Fatmir Limaj ka kaluar 5 për qindëshin e votave,
“Nëse mirëmbahet trendi i ndarjes se votave ndërmjet subjektet politike bazuar në numërimin e mbi 25% të votave me kusht, duket se koalicioni Nisma-AKR-PD për 23 vota do te arrije te jetë pjesë e legjislaturës se 7-të të Kuvendit të Kosovës”, ka shkruar Vela fillimisht në Facebook.
Por më pas ai ka shkruar sërish me UPDATE: “Por, nese merren parasysh votat nga Serbia atehere nuk e kalojne pragun per 127 vota”.
Nga numërimi i deritanishëm i votave me kusht që janë publikuar, Lëvizja Vetëvendosje po prin me 1062 vota. /Ballkani.info/
