Amir Rrahmani është shpallur mbrojtësi më i mirë i Serie A sipas renditjes së fundit të publikuar nga CIES (Qendra Ndërkombëtare për Studime Sportive), ndërsa i katërti në botë.
Ky institut ka përpiluar një listë me 20 lojtarët më influentë në botë për secilin rol, duke analizuar 60 kampionate në të gjithë globin.
Përzgjedhja e lojtarëve është bërë duke u mbështetur në të dhëna të detajuara të partnerëve të observatorit dhe duke marrë parasysh edhe minutat e luajtura. Gjashtë aspektet kryesore të lojës që merren në konsideratë janë: duelet ajrore, mbrojtja në tokë, shpërndarja e pasimeve, avancimi me topin, krijimi i rasteve për gol dhe finalizimi.
Në listën e mbrojtësve më të mirë, në krye qëndron ylli i Liverpoolit, Virgil van Dijk. Podiumi plotësohet nga Aurelien Tchouameni i Real Madridit, që shpesh luan edhe si mesfushor, dhe William Saliba i Arsenalit.
Amir Rrahmani, kapiteni i Kosovës dhe mbrojtësi i Napolit, renditet i katërti në këtë klasifikim, një super vlerësim për lojën e prishtinasit.
Ndërkohë, vendin e tetë e zë Alessandro Bastoni i Interit, kurse në vendin e 17-të është Berat Gjimshiti, shtylla e mbrojtjes së Atalantës.
Renditja e plotë e mbrojtësve më të mirë sipas CIES
1/ Virgil van Dijk
2/ Aurelien Tchouameni
3/ William Saliba
4/ Amir Rrahmani
5/ Inigo Martinez
6/ Nicolas Otamendi
7/ Piero Hincapiè
8/ Alessandro Bastoni
9/ Dayot Upamecano
10/ Levianat Vijana
11/ Robin Le Normand
12/ Maxence Lacroix
13/ Nathan Collins
14/ Dan Burn
15/ Kim Min-Jae
16/ Murilo Costa
17/ Berat Gjimshiti
18/ Fabian Schar
19/ Olivier Boscagli
20/ Mario Gila
Ky vlerësim i CIES konfirmon nivelin e lartë të mbrojtësve shqiptarë, duke e vendosur Rrahmanin mes më të mirëve në botë dhe duke nderuar gjithashtu kontributin e Gjimshitit te Atalanta. /Telegrafi/
