Ambasadori britanik viziton KQZ-në, falendëron Policinë e Prokurorinë për punën që po bëjnë për zgjedhje pa probleme

Ambasadori britanik në Kosovë, Jonathan Hargreaves, ka nisur sot mëngjesin me një vizitë në Komisionin Qendror të Zgjedhjeve.

Ai ka falënderuar kreun e KQZ-së, Kreshnik Radoniqin, drejtuesin e Policisë, Gazmend Hoxhën dhe Prokurorinë e Shtetit për përpjekjet që po bëjnë në mënyrë që zgjedhjet lokale të shkojnë pa probleme.

“Ka kaq shumë njerëz që punojnë pa u lodhur prapa skenave sot për të siguruar një proces demokratik të qetë dhe efikas. Tani është në dorë të popullit të Kosovës të dalë dhe të votojë!”, ka shkruar Hargreaves.