Ambasada e Kosovës në Gjermani del me njoftim të rëndësishëm për të gjithë kosovarët që do të udhëtojnë për në këtë shtet

Ambasada e Kosovës në Gjermani ka dalur me një njoftim për masa të reja me rastin e udhëtimeve nga Kosova në këtë shtet, raporton Gazeta Express.

Sipas kësaj ambasade, nga sot të gjithë personat që udhëtojnë përmes rrugëve ajrore drejt Gjermanisë duhet të paraqesin një rezultat negativ të testit për COVID-19 para se të fillojnë udhëtimin e tyre.

“Nga data 30 mars 2021 të gjithë personat që udhëtojnë përmes rrugëve ajrore drejt Gjermanisë duhet të paraqesin një rezultat negativ të testit për COVID-19 para se të fillojnë udhëtimin e tyre. Kjo vlen pa marrë parasysh vendin nga ku ka udhëtuar personi”, është thënë nga kjo ambasadë.