Ali Januzit iu ndahet çmimi “Nderi i Qytetit” në 20 vjetorin e Çlirimit të Vushtrrisë

Sot është mbajtur manifestimi qëndror i 20 vjetorit të Çlirimit të Komunës së Vushtrrisë gjatë së cilit u bë edhe përurimi i shtatores së Hasan Prishtinës dhe sheshit që mban emrin e tij.

Gjatë këtij manifestimi janë ndarë edhe çmimet për figura të ndryshme që dhanë kontribut në periudha të caktuara të historisë së qytetit dhe Kosovës.

Çmimi kryesor në këtë 20 vjetor çlirimi Komuna e Vushtrrisë i ndau Ali Januzit, veprimtar dhe bashkëpuntor të komandantit legjendar Adem Jashari dhe një nga komandantët e zonës operative të Shalës.

Çmimin “Nderi i Qytetit” Ali Januzit personalisht ia dorëzoi vet kryetari i Komunës së Vushtrrisë ,Xhafer Tahiri./VushtrriaOnline