Lideri i Lëvizjes Vetëvendosje, Albin Kurti, në foltoren e Kuvendit, ku po diskutohet për Demarkacionin, ka thënë se liberalizimi i vizave nuk është prioritet i qytetarëve të Kosovës
Kurti ka thënë se Lëvizja Vetëvendosje nuk do ta votojë ratifikimin e Marrëveshjes për Demarkacionin me Malin e Zi, derisa tha se qytetarët e Kosovës nuk e kanë prioritet liberalizimin e vizave, raporton Express.
“Liberalizimi i vizave nuk është prioritet i qytetarëve të Kosovës, por i Qeverisë për qytetarët”, tha Kurti, duke shtuar se kosovarët duan drejtësi dhe mirëqenie në vend.
Ai u bëri thirrje deputetëve të Kuvendit, të mos votojnë për ratifikimin e kësaj Marrëveshjeje, duke thënë se seanca e sotme është pengim i drejtësisë.
Ndërkohë, seanca për Demarkacionin është duke vazhduar dhe deputetët po diskutojnë për këtë çështje para se të vihet në votim.
