Asambleisti i PDK-së nga Kuvendi Komunal i Komunës së Skenderaj, Albert Rexhepi ka reaguar ndaj kompanisë së gurëthyesit e cila operon në fshatin Qirez të komunës së Skenderajt.
Rexhepi në një reagim dërguar Drenica Press-it ndër të tjera thotë: “Gurëthyesi “Erti” Sh.p.k që operon në fshatin tonë, Çirez, sot me dt.18.03.2019 në orën 15:30 filloi edhe të na “bombardoj”.
Nga detonimi i sotëm, detonime të cilat gjithmonë i bën pa paralajmrime, kan mundur ta pësojnë edhe me jetë familjet Zena, por fatmirësisht Zoti i shpëtoi.
U bënë vite që nga ky gurëthyes lagjja “Shpatolli” i duron dridhjet e shtëpive, e duron zhurmën, e shpeshherë e duron edhe pluhurin, por nga sot si duket duhet t’i durojmë edhe gurët e madhësive të ndryshme që fluturojnë mbi kokat tona dhe mbi kulmet e shtëpive tona.
U bënë vite që shpërfillen ankesat dhe kërkesat tona, ku ende po vazhdojnë të shpërfillen nga ministria dhe komuna.
Në foto mund t’i shihni gurët të cilët sot kan mundur të jenë fatal për familjarët e familjeve Zena.”
