Alarm për stuhi të fuqishme në Mesdhe: Breshër i madh, përmbytje dhe tornado të mundshme

Severe Weather, një shërbim meteorologjik që ofron parashikime për Evropën, po paralajmëron për mot të ashpër në të gjithë Mesdheun perëndimor, qendror dhe verior. Sipas parashikimeve të tyre, mund të zhvillohen shumë qeliza dhe superqeliza stuhish intensive, me potencial për breshër të madh, erëra të forta, përmbytje të menjëhershme dhe madje edhe tornado.

Portali Severe Weather Europe po paralajmëron se Mesdheu do të goditet nga stuhi të forta.

“Një periudhë dy-ditore me kushte shumë të rrezikshme moti pritet në të gjithë Mesdheun perëndimor, qendror dhe verior. Parashikohen valë të shumta stuhish intensive superqelizore dhe shumëqelizore, nga Spanja lindore, nëpër Ishujt Balearik, Franca jugore, Zvicra, Austria dhe Italia veri-qendrore, deri në Slloveni dhe Kroaci. Breshër i madh, erëra shumë të forta, reshje të dendura dhe intensive që mund të shkaktojnë përmbytje të menjëhershme, si dhe tornado janë të mundshme”, njofton në faqen e saj në Facebook me hartat përkatëse.