Real Madridi ka lëshuar një deklaratë duke shprehur propozuar që planet për zhvillimin e ndeshjes Villarreal-Barcelona në Miami, të refuzohen.
RFEF i ka dërguar UEFA-s dhe FIFA-s një kërkesë që ndeshja të luhet në Shtetet e Bashkuara për një miratim përfundimtar, por Real Madridi nuk është i kënaqur me planin dhe dëshiron që ajo të anulohet.
“Real Madrid dëshiron t’u shprehë anëtarëve, mbështetësve dhe tifozëve të futbollit në përgjithësi, kundërshtimin e saj për propozimin për të luajtur ndeshjen e javës së 17-të të Kampionatit Kombëtar të Ligës së Divizionit të Parë midis Villarreal CF dhe FC Barcelona jashtë Spanjës.
Masa, e zbatuar pa informacion paraprak ose konsultim me klubet pjesëmarrëse në garë, shkel parimin thelbësor të reciprocitetit territorial që rregullon garat e ligës me dy raunde (një ndeshje në shtëpi dhe tjetra në shtëpinë e ekipit kundërshtar), duke ndryshuar ekuilibrin konkurrues dhe duke u dhënë një avantazh të padrejtë sportiv klubeve” thuhet në komunikatë.
Los Blancos thonë se integriteti i garës kërkon që të gjitha ndeshjet të luhen në të njëjtat kushte për të gjitha ekipet.
“Modifikimi i njëanshëm i këtij regjimi shkel barazinë midis pretendentëve, kompromenton legjitimitetin e rezultateve dhe vendos një precedent të papranueshëm që hap derën për përjashtime të bazuara në interesa të tjera përveç interesave të ngushta sportive, duke ndikuar qartë në integritetin sportiv dhe duke rrezikuar falsifikimin e garës. Nëse ky propozim zbatohet, pasojat e tij do të jenë aq serioze sa do të shënojnë një pikë kthese për botën e futbollit” thuhet tutje në deklaratë.
Me këtë rast, Reali ka kërkuar nga FIFA të mos autorizojë zhvillimin e ndeshjes në SHBA, pa pëlqimin e të gjitha ekipeve në garë, ka kërkuar nga UEFA të nxisë RFEF-në të tërheqë vendimin si dhe ka kërkuar nga Këshilli i Lartë i Sportit të mos japë autorizimin e nevojshëm pa një pëlqim uanim.
Deklarata vjen pasi presidenti i Villarrealit, Fernando Roig, tha se pret që ndeshja të luhet në dhjetor dhe se e sheh atë si një “mundësi fantastike”.
