Numri i aksidenteve në vendin tonë, si pasojë e pakujdesisë vazhdon të jetë shqetësues.
Rreth orës 18:00 dy vetura janë përplasur në hyrje të austradës, saktësisht në fshatin Mazgit.
Rastin për Indeksonline e ka konfirmuar edhe Policia e Kosovës, ku ka dhënë edhe detaje.
“Në ora 18:00, policia është njoftuar për një aksident trafiku në fshatin Mazgit. Aksidenti ka ndodhur në hyrje të autostradës, në aksident janë përfshirë dy vetura dhe si pasojë e aksidentit tre persona kanë pësuar lëndime të cilët janë dërguar në QKUK për trajtim mjekësor.”, ka thënë Bajram Krasniqi, zëdhënës i policisë në Rajonin e Prishtinës.
Ndryshe, njësia përkatëse policore është marrë me rastin.
