Para pak çastesh, në Miradi të Ulët (Dobrevë) të Fushë Kosovës ka ndodhur një aksident trafiku.
Në disa foto të siguruara nga “Indeksonline” shihen pamjet e këtij aksidenti që ndodhi në njërën prej pompave të benzinës.
Njësitet e Policisë së Kosovës si dhe ambulanca kanë dal në vendin e ngjarjes. Mësohet se një person është dërguar me emergjencë për spitalin përkatës.
Vlen të theksohet se aty afër ishte edhe deputeti i Kuvendit nga radhët e LDK-së, Anton Quni.
Indeksonline ka kontaktuar zëdhënësin e Policisë, Daut Hoxha, i cili ka treguar se në aksident është përfshirë vetëm një veturë, e cila ka goditur disa skele ku kanë qenë duke punuar disa punëtorë.
Nga ky aksident janë lënduar dy persona, të cilët janë duke u trajtuar dhe janë jashtë rrezikut për jetë.
Aksidenti ka ndodhur tek pompa e benzinës Al Petrol, ndërkaq policia ka dalë në vendin e ngjarjes menjëherë pas njoftimit.
