Afati po skadon, ende s`ka marrëveshje për president
Kosova po hyn në ditët e fundit të vendimeve politike për çështjen e kreut të shtetit.
Ende nuk ka marrëveshje dhe as njoftim për një seancë për këtë çështje.
Ndonëse kanë mbetur pesë ditë deri në përmbylljen e afatit kushtetues, një marrëveshje mes partive politike duket e largët, bazuar në qëndrimet e tyre aktuale.
Vetëvendosje ende pret një konsensus. Kryeparlamentarja, Albulena Haxhiu, nënvizoi se është e gatshme të heqë dorë nga pozita që ushtron, siç tha, që vendi të mos shkojë në zgjedhje.
Lexo edheKuvendi mban dy seanca, njëra nga to me 10 pika të rendit të ditës e njëra në kujtim të Eliot Engel
Ndërsa shefja e deputetëve të Vetëvendosjes insiston që partitë opozitare të japin emrat ose kërkesat e tyre për këtë proces, i cili mund ta çojë vendin në zgjedhje të reja.
Ndërkohë, opozita vazhdon të këmbëngulë në qëndrimet e ditëve të fundit.
Me gjithë deklarimet nga të gjitha palët se ka vullnet për zgjedhjen e presidentit të ri, një javë para skadimit të afatit të përcaktuar nga Kushtetuta, dy partitë opozitare, PDK dhe LDK, janë deklaruar se i kanë mbyllur bisedimet dhe kontributin e tyre partiak për t’i dhënë vendit kreun e ri të shtetit. Ndërsa Vetëvendosje vazhdon të insistojë se ka ende kohë për një marrëveshje.
