Aleanca për Ardhmërinë e Kosovës ka marrëveshje me Partinë Demokratike të Kosovës dhe Nismën për Kosovën vetëm për zgjedhjet nacionale të 11 qershorit, ka thënë Ahmet Isufi nënkryetar i këtij subjekti.
Kandidati për deputet nga AAK nuk e ka përjashtuar mundësine e arritjes të një tjetër marrëveshje me këto parti për zgjedhjet lokale të cilat pritet të mbahen në tetor të këtij vit.
“Për zgjedhjet lokale momentalisht nuk kemi ndonjë marrëveshje. Ne jemi duke i koordinuar punët dhe angazhimet tona dhe në bazë të specifikave edhe do të veprojmë në fushatë”, ka thënë Isufi për ‘Indeksonline’.
Zyrtari i lartë i partisë se Haradinajt pret qe në zgjedhjet e 11 qershorit koalicioni parazgjedhor PAN të fitoj bindshëm.
“Ne presim të fitojmë, madje me një përqindje të lartë, prandaj votat do të tregojnë dhe populli është i mobilizuar për ta votuar këtë koalicion”, ka shtuar ai.
Isufi nuk pret qe ky koalicion të ketë nevoje për ndonjë parti shqiptare për të formuar Qeverinë, përvec minoriteteve të cilat duhet të jenë pjesë e ekzekutivit.
Koalicioni parazgedhor i përbërë nga partitë e dala nga lufta ka nxitur reagime të ndryshme.
Mediet dhe opinioni në përgjithësi këtij koalicioni po i referohen si ‘Krahu i Luftës’.
