Edhe gjatë ditës së sotme kanë vazhduar thirrjet e ndryshme nga MASHT-i dhe nga SBASHK-u, njëra palë kërkon mbajtjen e procesin mësimor gjatë pushimit pranveror për të zëvendësuar orët e humbura gjatë grevës së janarit,ndërkaq SBASHK-u po tregohet këmbëngulës në qëndrimet e tyre se orët e humbura gjatë grevës nuk do të kompenzohen, shkruan Drenica Press.
Por lidhur me procesin mësimor në Skenderaj gjatë ditës së sotme është treguar një unanimitet rreth procesit mësimor për orët e humbura, ku asnjë shkollë fillore apo e mesme nuk ka mbajtur mësim.
Sipas burimeve të portalit Drenica Press asnjë institucion arsimor nuk ka mbajtur mësim, ku po respektohet pushimi pranveror.
Kurse Komisioni për Arsim nga Kuvendi i Kosovës, ka bërë thirrje që këtë javë të mbahet një takim mes MASHT-it dhe SBASHK-ut dhe këtij komisioni, ku do të bëjnë përpjekje që të gjendet një zgjidhje rreth orëve të humbura./DRENICA PRESS/
