Drejtoria e Policisë së Kryeqytetit ka njoftuar se po vazhdon aktivitetet operative për lokalizimin dhe arrestimin e personave të kërkuar nga organet e drejtësisë.
Në kuadër të këtyre veprimeve, njësitet e Stacionit Policor Jugu në Prishtinë kanë arrestuar personin me inicialet E.K., 24 vjeç, i cili ishte në kërkim për vuajtjen e një dënimi me burg.
Sipas Policisë, i arrestuari është dënuar me dy vjet burgim për veprat penale “Përdorimi i armës apo mjetit të rrezikshëm” dhe “Mbajtja në pronësi, kontroll ose posedim të paautorizuar të armëve”.
Pas arrestimit, 24-vjeçari është dërguar për vuajtjen e dënimit, ndërsa njësitet relevante policore kanë ndërmarrë të gjitha veprimet procedurale lidhur me rastin.
Policia ka theksuar se do të vazhdojë angazhimin për zbatimin e urdhëresave të gjykatave dhe sjelljen para drejtësisë të personave të kërkuar./IndeksOnline/
